Gjithmonë në kohën e zgjedhjeve përpos analistëve dhe gazetarëve, ishin edhe artistët e ndryshëm ata që u inkuadruan në politikë.

Ndër të parat që ishin pjesëmarrëse në skenën e politikës ishin dy këngëtaret Adelina Ismajli dhe Leonora Jakupi, shkruan arbresh.info.

Por që të dyja me kahje të kundërta, Adelina ishte fanse dhe pjesëmarrës në çdo koncert të LDK-së, e Leonora me të njëjtin ritëm por në PDK.

Më vonë edhe Memli Krasniqi së bashku me motrën e tij Bubulinën u inkuadruan në politik, duke lënë anash muzikën, por që të dy përfituan nga partia e tyre, sepse Memli tani ka një pozitë shumë të lartë në organet e partisë e Bubulina ka një punë stabile në njërën nga Ministritë.

E siç duket shokut të tij Memlit i lakmoi edhe këngëtari Genc Prelvukaj, i cili po ashtu u bë pjesë e PDK-së, por që asnjëherë nuk la anash muzikën.

Por sigurisht që pjesë e politikës nuk ishin vetëm këta, pas ndarjes së grupit muzikor “Aurora”, ishte edhe Nazmi Sfishta ai i cili u bë pjesë e LDK-së.

E siç duket zgjedhjet e parakohshme të vitit 2017 në Kosovë ishin ato që tërhoqën vëmendjen më të madhe të artistëve tanë.

Filluam me Labin, i cili tani është kandidat për deputetet nga radhët e AKR-së, dhe që hoqi dorë nga muzika, pak ditë më vonë ishte Xuxi ai i cili iu bashkua AAK-së, e më pas një aderim i papritur ishte ai i aktorit Adem Mikullovci në Lëvizjen Vetëvendosje.

Por nuk përfundoi me kaq, më vonë u publikua një fotografi nga Arbana Xharra në të cilën u ngjallën dyshime se edhe MC Kresha iu bashkua PDK-së, por për këtë gjë për arbresh.info nuk pranoi të prononcohet MC Kresha/Arbresh.info